Karantin şəratində ürək-damar xəstələri nə yeməlidir və əl altında nə olmalıdır?

Məlum olduğu kimi, özünütəcrid şəraiti yenidən 2 həftə  – mayın 4-dək uzadıldı. Bu barədə Azərbaycan Respublikası Nazirlər Kabinetinin yanında Operativ Qərargahın məlumatında qeyd edilir. Bu müddət ərzində  uzadılmış karantin rejimindən mərhələli çıxış planı hazırlanacaq və növbəti həftə ictimaiyyətə təqdim ediləcək. Amma nə qədər ki karantin davam edir, ürək-damar xəstələri özünə qulluq etməlidir. Məhz bu mövzuda danışmaq istəyirik.

Ürək-damar xəstəliyinin olması ilə koronavirusa yoluxma riskinin daha da artması arasında bir əlaqənin olduğu qeyd edilmir, lakin bu insanların yoluxma riski daha yüksəkdir. Buna görə bu xəstələr ciddi şəkildə təcrid olunmalıdırlar.

ANDOP mütəxəssisi, kardioloq-diyetoloq, həkim İradə Abdullayevanın dediyi kimi,

özünütəcrid şəraitində ürək xəstələri təlaşa düşməməlidir – bu çox vacibdir.

  • Həkiminizin təyin etdiyi dərmanları vaxtaşırı qəbul etmək lazımdır. Hər ehtimala qarşı, evdə təcili hallar üçün bu dərmanlar olmalıdır: tabletlər – kaptopril 25 mq, nitroqliserin, aspirin, furosemid 40 mq, izoptin 40 mq, konkor kor; ampulalar – maqnezium sulfat, dibazol,

“Bu dərmanları sizi müalicə edən həkiminizlə məsləhətləşmədən, özbaşına istifadə etmək tövsiyə edilmir” –deyə, mütəxəssis bildirdi. Həmçinin onu da qeyd etdi ki, bu dərmanlar  yalnız təcili hallarda təyin olunur: hipertonik kriz, miokard infarktı və paroksizmal taxikardiya tutması zamanı

Qidalanmaya gəldikdə isə, qida rejimlə qəbul edilməlidir. Daha doğrusu, eyni intervalla müəyyən bir vaxtda tez-tez, hissə-hissə – gündə 5-6 dəfə kiçik miqdarda.

– Rasiondan sadə karbohidratları (ağ buğda unundan hazırlanmış çörək məhsulları, qənnadı məmulatları və bütün xəmir xörəkləri ) çıxartmaq, əvəzində mürəkkəb karbohidratlardan istifadə etmək (tam taxıl unundan çörək və makaron, dənli bitkilər), gündəlik duzun miqdarını 2-5 qrama qədər ( 1-2 çay qaşığı) azaltmaq lazımdır. Gün ərzində qəbul edilən ümumi mayenin miqdarını 1 litrə qədər azaldın, ürək-damar və sinir sistemini qıcıqlandıran qidaları (tünd çay, qəhvə, enerji içkiləri) rasiondan çıxardın, qaz yaradan qidaları (kələm, paxlalılar və s.) azaldın, qida liflərinin (tərəvəz, meyvə, kəpək) istifadəsini isə artırın, – deyə, mütəxəssis yekunlaşdırdı.

Maraqlıdır

Epigenetika haqqında nələri bilirik? (II hissə)

DNT-nin kodlaşdıran bölgələrinin nukleotid ardıcıllığında dəyişikliklərlə əlaqəli olmayan,  genlərin fəaliyyətindəki dəyişiklikləri öyrənən elmə epigenetika deyilir. DNT-ni dəyişdirmədən genlərin tənzimlənməsinin bütün üsullarına epigenetik mexanizmlər deyilir. Eukariotlarda epigenetik dəyişikliklərə nümunə olaraq hüceyrə diferensiasiyası prosesini göstərmək olar.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir